"Together for Livestock Health" भन्ने नाराका साथ अघि बढिरहेको कान्तिपुर फर्मास्युटिकल्स ल्याब लिमिटेड (KPL) ले आफ्नो दोस्रो वार्षिक साधारण सभा मिति २०८२/१०/२१ गते ललितपुरस्थित स्क्वायर होटलमा सम्पन्न गर्ने तयारी गरेको छ। यस अवसरमा कम्पनीले आर्थिक वर्ष २०८१/८२ को वार्षिक प्रगति प्रतिवेदन सार्वजनिक गरेको छ, जसले कम्पनीको व्यवसायिक विस्तार, वित्तीय उपलब्धि र भविष्यको दिशालाई प्रस्ट पार्छ।
कान्तिपुर फर्मास्युटिकल्स ल्याब लिमिटेड कम्पनी ऐन, २०६३ अन्तर्गत स्थापित एक पशु स्वास्थ्य र पोषण उत्पादन कम्पनी हो, जसको रजिस्टर्ड कार्यालय ललितपुर महानगरपालिका वडा नं. ८, बालकुमारीमा रहेको छ भने उत्पादन कारखाना पाँचखाल नगरपालिका, होक्से-७, काभ्रेपलाञ्चोक जिल्लामा अवस्थित छ। सुरुमा प्राइभेट लिमिटेडको रूपमा स्थापित यस कम्पनीलाई मिति २०८१/०३/२४ को विशेष साधारण सभाको निर्णयबाट पब्लिक लिमिटेडमा परिणत गरिएको थियो, जसले कम्पनीको सार्वजनिक निष्कासन (IPO) मार्फत सर्वसाधारण लगानीकर्तासम्म पहुँच पुर्याउने बाटो खोलेको छ।
कम्पनीले हाल एलोपैथिक औषधि (Treatment) र फिड सप्लिमेन्ट (Nutrition) गरी दुवै क्षेत्रमा आफ्नो उपस्थिति विस्तार गरिरहेको छ, जसले पशु रोग उपचार र पोषण सुधार दुवै आवश्यकतालाई एकैसाथ सम्बोधन गर्दछ।
आर्थिक मन्दी, बढ्दो वैदेशिक मुद्रा दर र राजनीतिक अस्थिरता जस्ता चुनौतीहरूका बाबजुद पनि कम्पनीले उल्लेखनीय उपलब्धिहरू हासिल गरेको छ:
कम्पनीले बजारमा हिसाबले पहिलो वर्षमै दोस्रो ठूलो भेटेरिनरी औषधि कारोबार गर्ने उद्योगको स्थानमा आफूलाई पुर्याएको छ, जुन बजार प्रतिनिधि, वितरक र व्यवस्थापनको उच्च दक्षताको प्रतिफल हो।
कम्पनीले विराटनगर, चितवन, जनकपुर, वीरगन्ज, बुटवल, नेपालगन्ज, धनगढी, पोखरा, र काठमाडौं लगायतका प्रमुख शहरहरूमा हेडक्वाटर स्थापना गरी वितरण कार्य सञ्चालन गरिरहेको छ। हाल कम्पनीका उत्पादनहरू देशका सातै प्रदेशका सतहत्तरै जिल्लामा पुगिरहेका छन्। साथै, WHO-GMP प्रमाणपत्र प्राप्त भएसँगै नेपाल सरकारका पशु सेवा कार्यालय तथा स्थानीय निकायहरूमा सिधै टेन्डर मार्फत बिक्री वितरण गर्ने तयारी पनि भइरहेको छ।
कान्तिपुर फर्मास्युटिकल्स ल्याबले आफ्ना उत्पादनहरूको गुणस्तर विश्वव्यापी स्तरमा पुर्याउन विभिन्न आधुनिक प्रविधिहरू अवलम्बन गरेको छ:
कम्पनीको उत्पादन प्रक्रिया WHO-GMP मापदण्ड अनुसार सञ्चालित छ भने फिड सप्लिमेन्ट इकाइले FAMIQS प्रमाणीकरणको मापदण्ड पूरा गरेको छ, जसले अन्तर्राष्ट्रिय बजारमा नियात विस्तार गर्ने बाटो खोल्छ।
| विवरण | रकम |
|---|---|
| बिक्री रकम | रु. ४०,८७,६०,६४० |
| खुद मुनाफा | रु. २,५६,८६,५३० |
| कुल नेटवर्थ | रु. ७७,४५,१२,३५७ |
| प्रति शेयर आम्दानी (EPS) | रु. ४.०८ |
| प्रति शेयर नेटवर्थ | रु. १२२.९ |
गत आर्थिक वर्षको तुलनामा बिक्री रकम करिब दोब्बर बढेको देखिन्छ (रु. २२.६५ करोडबाट रु. ४०.८७ करोडमा), जसले कम्पनीको व्यवसायिक विस्तारको गतिलाई पुष्टि गर्छ। यद्यपि, बढ्दो लगानी र सञ्चालन खर्चका कारण खुद मुनाफा अघिल्लो वर्षको तुलनामा घटेको छ। यस वर्ष कम्पनीले भविष्यको विस्तार योजना, कार्यशील पुँजीको आवश्यकता र दीर्घकालीन वित्तीय स्थायित्वलाई मध्यनजर गर्दै लाभांश वितरण नगर्ने निर्णय गरेको छ।
कम्पनीले कम्पनी ऐन, २०६३ र सार्वजनिक लिमिटेड कम्पनीको सुशासन मार्गदर्शनको पूर्ण पालना गर्दै पारदर्शिता, उत्तरदायित्व र नैतिक व्यवसायिक अभ्यासलाई संस्थागत गरेको छ। साथै, कम्पनीले संस्थागत सामाजिक उत्तरदायित्व (CSR) अन्तर्गत पशुपालक किसानहरूलाई सचेतना, प्राविधिक जानकारी र उत्तरदायी औषधि प्रयोगसम्बन्धी मार्गदर्शन प्रदान गर्दै आएको छ।
हाल कम्पनीमा उत्पादन विभागमा विज्ञ, प्राविधिक, अप्राविधिक तथा सहायक गरी कुल ७८ जना कर्मचारी कार्यरत छन् भने देशव्यापी बजार विस्तारका लागि २८ जना बजार प्रतिनिधि सक्रिय रूपमा काम गरिरहेका छन्।
संचालक समितिको धारणा अनुसार, आगामी दिनहरूमा कम्पनीले निम्न क्षेत्रमा जोड दिने लक्ष्य लिएको छ:
कान्तिपुर फर्मास्युटिकल्स ल्याब लिमिटेडको दोस्रो वार्षिक प्रतिवेदनले कम्पनीले छोटो समयमै नेपालको पशु स्वास्थ्य तथा पोषण उद्योगमा आफ्नो ठोस स्थान बनाइसकेको देखाउँछ। गुणस्तरीय उत्पादन, आधुनिक प्रविधि, र सुदृढ वितरण सञ्जालको संयोजनबाट कम्पनी "राष्ट्रिय तथा अन्तर्राष्ट्रिय स्तरमा गर्विलो, दिगो र विश्वसनीलो औषधि तथा पोषण कम्पनी" बन्ने आफ्नो लक्ष्यतर्फ स्पष्ट रूपमा अघि बढिरहेको छ।